A Química das Disolucións Acuosas é unha materia cuadrimestral de 7,5 créditos, 6 de aula e 1,5 de prácticas. Polo tanto, pódense distinguir tres bloques ben diferenciados: teoría, seminarios e prácticas.

                A avaliación terá en conta:

                1º.- Labor de Seminario: Avaliarase positivamente a participación do alumno nas clases de problemas.

                2º.- Resultados dos tres exames optativos parciais. Estes exames consistirán en:

                                -problemas: para a súa resolución en ningún caso haberá que memorizar fórmulas, sino que o alumno deberá ser capaz de deducilas. Ó comezo de cada tema repartirase ós alumnos un guión do mesmo coas fórmulas mais importantes. Dito guión poderá ser levado ó exame.

                                -teoría: serán cuestións breves que demostren o dominio de conceptos e a capacidade de razoamento.

                A realización do exame parcial é optativa, si ben, cando o alumno se presenta a dous parciais e non se presenta ó final, obterá a cualificación de suspenso (non de non presentado) nas actas correspondentes. É dicir, presentarse ós  dous primeiros parciais consume unha convocatoria.

                A materia do exame será explicada en clase. Debe terse en conta que, dado o carácter unitario e complementario da materia, os problemas dun parcial poden ter relación mais ou menos directa cós do parcial anterior.

Datas de exames: O exame final realizarase na data proposta polo Decanato e aprobada en Xunta de Facultade. Os primeiro e segundo  exames parciais realizaranse nunha data a convir entre os alumnos e o profesor da materia . O terceiro exame parcial farase o mesmo día có exame final, de modo que os alumnos que superaran algún parcial  non terán que examinarse da materia  dos mesmos.

                3º.- Labor de Prácticas de laboratorio: a nota obtida nas prácticas de laboratorio será tida en conta na cualificación global. É obrigatoria a asistencia a prácticas dos alumnos matriculados na materia por primeira vez. A asistencia a prácticas dos alumnos en 2ª ou maior convocatoria é opcional. Para poder aprobar a materia e requisito imprescindible obter a cualificación de Apto nas prácticas de laboratorio. A avaliación do labor de prácticas consistirá en dúas partes: laboratorio e memoria de prácticas. Se un alumno supera as dúas probas de prácticas,e non supera o exame final, "gárdaselle" o aprobado en prácticas hasta que aprobe a materia. Asemade, se un alumno suspende as probas de prácticas e aproba os exames, "gardaráselle" o aprobado en teoría e problemas, e deberá repetir as prácticas no curso seguinte. Soamente obterá o aprobado unha vez supere a materia completa.

                Cualificación final:

                Para aprobar o curso son requisitos indispensables:

                1- Obter a cualificación de Apto nas prácticas de laboratorio.

                2- Aprobar os tres exames parciais, ou no seu lugar, o exame final.

                No caso de que un alumno queira intentar subir a nota poderá presentarse ó final ca materia dos parciais, aínda estando estes aprobados.

Titorías: martes  e mércores  de 16 a 19 horas, no despacho nº 25 2º andar sector E..